Kulan looga hadlayay amaanka oo ka dhacay Madaxtooyada Muqdisho

Muqdisho:( MIDISHO/ALXIJAS) Waxaa maanta galinkii dambe kulan looga haldayay amaanka dalka Soomaliya Xarunta Madaxtooyada kuwada yeeshay Madaxweynaha dowladda KMG Soomaaliya Sheekh Shariif Sheekh Axmed, Ra’iisul wasaaraha Xukuumadda iyo golahiisa wasiirada cusub, iyadoo dhinaca kale kulankasi lagu dhaariyay qaar ka mid ah ah wasiirada cusub ee uu soo magacaabay Ra’iisul wasaare Farmaajo.

Kulankaani oo ahaa mid saacado qaatay islamarkaana ay wada yeesheen Madaxweynaha dowladda KMG Soomaaliya Sheekh Shariif Sheekh Axmed, Ra’iisul wasaaraha Xukuumadda Federalka Max’ed C/laahi Max’ed Farmaajo iyo golaha Wasiirada oo uu dhawaan soo magaacabay Ra’iisul wasaare Farmaajo ayaa kulankoodu waxaa ay kaga hadlayeen arimaha amaanka iyo sidii waajibaadkoodu shaqo ay u gudan lahaayeen wasiirada Cusub.

Kulanka ayaa markii uu soo idlaaday kadib waxaa saxaafada ugu warbixiyay Afhayeenka Madaxweynaha dowladda KMG Soomaliya Xasan Axmed Xeyle, isagoo sheegay in inta badan kulankaasi diiradda lagu saarayay sidii waxqabad dhab ah ay u sameyn laheeyd Xukuumadda cusub, waxaana uu tilmaamay in Madaxweyne Shariif uu kula dar daarmay golaha Wasiirada in ay layimaadaan shaqo wanaagsan oo dadka iyo dalka wax u taraysa sida uu carabka ku dhiftay.

Dhinaca kale intii kulankaasi uu socday ayaa Ra’iisul wasaaraha Xukuumadda KMG Soomaaliya waxaa uu sheegay in la dhaariyaya qaar ka mid ah wasiiru dowlayaal iyo wasiir ku xigeeno kuwaasi ee uu dhawaan soo magacaabay Ra’iisul wasaare Max’ed C/laahi Max’ed Farmaajo.

Shalayay ayay aheeyd markii kulankan ceenkaani oo kale ah uu kula qaatay Ra’iisul wasaara Farmaaho Xafiiskiisa magaalada Muqdisho qaar ka mid ah golaha wasiirada iyo Saraakiisha ciidamada Milatariga ee dowladda KMG Soomaaliya kaasi oo looga hadlayay marxaladaha ka taagan dalka Soomaliya.